Қолданушы келісімшарты

Қызметті ЖК «infohub.kz» (ЖСН 881218302809) көрсетеді. Бұдан әрі — «Біз».

Тіркелген кез келген тұлға — «Қолданушы».

724.kz — мәтін мен медиадан вертикаль видео жасайтын және оны Қолданушының әлеуметтік желі аккаунттарына жариялайтын онлайн қызмет.

Қызмет «бар күйінде» (as is) көрсетіледі. Функциялар тізімі уақыт өте өзгеруі, толығуы немесе алынып тасталуы мүмкін.

Тіркелгенде шынайы электрондық пошта мекенжайын көрсетуіңіз керек.

Тіркелгіңіздің қауіпсіздігі — сіздің жауапкершілігіңізде. Пароліңізді басқаға бермеңіз. Тіркелгіңіз арқылы жасалған барлық әрекет сізден деп есептеледі.

Тіркелгіңіз ұрланғанын байқасаңыз, бізге дереу хабарлаңыз.

Жаңа Қолданушыға тегін сынақ мерзімі беріледі. Мерзімі мен квотасы тарифтер бетінде көрсетілген.

Ақылы тарифтер айлық негізде беріледі. Әр тарифтің өз квотасы бар: айына жасалатын видео саны, автожариялау саны, диктор таңбаларының саны.

Квота ай сайын жаңарады. Пайдаланылмаған квота келесі айға АУЫСПАЙДЫ.

Қазіргі уақытта тарифтер қолмен қосылады: бізге хабарласасыз, төлем жасайсыз, біз тарифті белсендіреміз. Автоматты төлем жүйесі кейін қосылады.

Көрсетілген қызмет үшін төленген ақша, әдетте, қайтарылмайды. Дау туындаса, жеке қараймыз.

Сіз жүктеген видео, сурет, мәтін мен логотип — СІЗДІҢ меншігіңіз. Біз оған ешқандай құқық талап етпейміз.

Материалды жүктеу арқылы сіз оны пайдалануға және таңдаған аккаунттарыңызға жариялауға құқығыңыз бар екеніне кепілдік бересіз. Бөтен материалды заңсыз пайдаланғаны үшін жауапкершілік сізде.

Материалды өңдеу мен жариялау үшін бізге техникалық рұқсат бересіз — тек сіздің тапсырмаңызды орындау шеңберінде.

Заңға қайшы, зорлық-зомбылықты, дискриминацияны немесе жеккөрушілікті насихаттайтын контент жасау немесе жариялау.

Бөтен адамның авторлық құқығын немесе тауар белгісін бұзу.

Басқа тұлғаның атынан әрекет ету, жалған ақпарат тарату.

Қызметке техникалық зиян келтіру: жүктемемен бөгеу, қорғанысты айналып өтуге тырысу, автоматты түрде жаппай тіркелу.

Тіркелгіңізді сатуға, жалға беруге немесе үшінші тұлғаға беруге.

Бұл шарттарды бұзған жағдайда тіркелгіңізді ескертусіз тоқтатуға құқығымыз бар.

Аккаунтыңызға жариялау платформалардың ресми API-і арқылы жүреді. Эмуляция қолданылмайды, пароліңіз сұралмайды.

Дегенмен әр платформаның өз ережесі бар, әрі олар өзгеріп отырады. Платформа контентіңізді жойса, аккаунтыңызды шектесе немесе API қатынауын тоқтатса — бұл біздің бақылауымыздан тыс.

Кейбір платформалар үшін біздің қосымшамыз ресми тексеруден өткенше жариялау шектеулі болуы мүмкін.

Қызметтің үздіксіз жұмысына ұмтыламыз, бірақ 100% қолжетімділікке кепілдік бермейміз.

Жоспарлы техникалық жұмыстар туралы алдын ала хабарлауға тырысамыз.

Сыртқы қызметтердің (ElevenLabs, әлеуметтік желілер) тоқтауы біздің қызметтің бір бөлігін уақытша істен шығаруы мүмкін.

Қызметті пайдаланудан туындаған жанама шығындарға (жіберілген пайда, беделге нұқсан, деректің жоғалуы) жауап бермейміз.

Кез келген жағдайда жауапкершілігіміз соңғы үш айда сіз төлеген сомадан аспайды.

Маңызды материалдардың өз көшірмесін сақтауды ұсынамыз.

Шарттарды өзгерткенде жаңа нұсқасын осы бетте жариялаймыз. Елеулі өзгеріс болса, поштаға хабарлаймыз.

Тіркелгіңізді кез келген уақытта жаба аласыз.

Осы шарттар Қазақстан Республикасының заңнамасына бағынады. Дау сотқа жеткенде Алматы қаласының соттарында қаралады.